បច្ចេកវិទ្យា – រស្មីនគររាជ

«បាតុភូតសូរ្យគ្រាសនឹងកើតឡើង» ដោយនៅកម្ពុជាអាចមើលឃើញ៦០%

រស្មីនគររាជ — Thu, 26 Dec 2019 03:35:55 +0000

(ភ្នំពេញ)៖ វាមិនមែនជាសូរ្យគ្រាសពេញលេញ ១០០% (Total Solar Eclipse) នោះឡើយ សម្រាប់អ្នកនៅទីក្រុងភ្នំពេញ ឬប្រទេសកម្ពុជាយើងទាំងមូល ប៉ុន្តែបើតាមកាលវិភាគ ទូទាំងប្រទេសកម្ពុជានឹងអាចទទួលរង បាតុភូតសូរ្យគ្រាសមិនពេញលេញ (Partial Solar Eclipse) ចាប់ផ្តើមពីវេលាម៉ោង ១០៖៣១ព្រឹកថ្ងៃព្រហស្បតិ៍ ទី២៦ ខែធ្នូនេះ រហូតវេលាម៉ោង ២៖១៤នាទីរសៀលថ្ងៃដដែលទើបបញ្ចប់។

ក្នុងចន្លោះពេលខាងលើ គឺនៅវេលាម៉ោងប្រមាណ ១២៖២៤នាទីថ្ងៃត្រង់ ទើបជាសូរ្យគ្រាសកើតឡើងពេញ ៦០% តែម្តង។ ប្រការនេះមានន័យថា ទាល់តែដល់កំឡុងពេលកៀកថ្ងៃត្រង់ ទើបយើងអាចដឹងថា ពន្លឺព្រះអាទិត្យចាប់ផ្តើមត្រូវបិទបាំងបន្តិចម្តងៗដោយព្រះច័ន្ទ រហូតដល់ ៦០% ពេញនៅវេលាម៉ោង ១២៖២៤នាទី ហើយបន្ទាប់មកទៀត ទើបអ្វីៗចាប់ផ្តើមវិវឌ្ឍទៅជាប្រក្រតីឡើងវិញ បន្តិចម្តងៗរហូតដល់ម៉ោង ២៖១៤នាទីរសៀលថ្ងៃព្រហស្បតិ៍ដដែលនេះ ទើបបាតុភូតសូរ្យគ្រាសត្រូវបញ្ចប់ជាស្ថាពរ។

គួរបញ្ជាក់ថា សម្រាប់សូរ្យគ្រាសនៅថ្ងៃព្រហស្បតិ៍នេះ គឺជាសូរ្យប្រចាំឆ្នាំ ដែលនឹងរាលដាលពីប្រទេសអារ៉ាប៊ីសាអូឌីត ដល់ប្រទេសឥណ្ឌា និងអាស៊ីភាគខាងត្បូង។ បើតាមផែនទីដែលត្រូវបានបង្ហាញដោយក្រុមអ្នកជំនាញ ប្រទេសដែលនឹងអាចមើលឃើញសូរ្យគ្រាសពេញលេញ ១០០% មានដូចជាអារ៉ាប៊ីសាអូឌីត, អូម៉ង់, ឥណ្ឌាភាគខាងត្បូង, ស្រីលង្កា, កោះធំទាំងពីររបស់ឥណ្ឌូណេស៊ី គឺស៊ូម៉ាត្រា និងកាលីម៉ាន់តាន់, គូឡាឡាំពួរ-ម៉ាឡេស៊ី, ប្រ៊ុយណេ, សិង្ហបុរី និងភាគខាងត្បូងហ្វីលីពីន៕

ប្រភព៖ វែបសាយ Time and Date (ថ្ងៃព្រហស្បតិ៍ ទី២៦ ខែធ្នូ ឆ្នាំ២០១៩)

មានលក្ខណៈពិសេសយ៉ាងសម្បូរបែប ទើបមហាសេដ្ឋីចូលចិត្តជិះ Rolls-Royce ណាស់

រស្មីនគររាជ — Wed, 21 Aug 2019 23:36:04 +0000

Rolls Royce ម៉ាករថយន្តប្រណិត មានឈ្មោះល្បីនៅលើពិភពលោក ដែលស្ថិតក្រោមការគ្រប់គ្រងរបស់ក្រុមហ៊ុនមេ BMW ប្រទេសអាល្លឺម៉ង់។ រថយន្ត Rolls Royce នីមួយៗ សុទ្ធតែផលិតឡើងដោយបំពាក់បរិក្ខារទំនើបៗ និងសម្ភារៈធ្វើពីស្បែកនិងឈើប្រណិតពិសេសបែបនេះ ទើបមហាសេដ្ឋីចូលចិត្តជិះ Rolls-Royce ណាស់។

វីដេអូខាងក្រោម បានបង្ហាញពីលក្ខណៈពិសេសមួយចំនួនរបស់ Rolls Royce Ghost ដែលជាហេតុធ្វើឱ្យរថយន្តប្រណិតនេះ មានតម្លៃថ្លៃនិងជាទីពេញនិយមសម្រាប់មហាសេដ្ឋី និងអ្នកមានជាច្រើន៖

រូបតំណាង The Spirit of Ecstasy ផ្នែកខាងមុខរបស់ Rolls Royce ជាពិសេស Rolls Royce Ghost នឹងលឹបចូលទៅក្នុងពេលរថយន្តចាក់សោ។

នៅក្នុងទ្វារខាងឆ្វេងរបស់ Rolls Royce Ghost មានរន្ធក្នុងទ្វារមួយទុកដាក់ឆត្រ សម្រាប់ប្រើប្រាស់ពេលមានភ្លៀង ហើយរន្ធមួយនេះអាចសម្ងួតឆត្រសើមបានទៀតផង។

នៅពេល អ្នកចង់បិទឬបើកទ្វារ អ្នកគ្រាន់តែចុចប៊ូតុងមួយនៅជាប់នឹងសសរបង្អួច (C-Pillar) នោះទ្វារនឹងបិទដោយស្វ័យប្រវត្តិ។

នៅចន្លោះកណ្ដាលនៃកៅអីផ្នែកខាងក្រោយមានប៊ូតុងអេឡិចត្រូនិក សម្រាប់បញ្ជាមុខងារផ្សេងៗ (វិទ្យុ ចម្រៀងជាដើម) និងមានកន្លែងសម្រាប់ដាក់កែវភេសជ្ជៈផងដែរ។

ផ្នែកខាងក្រោយនៃកៅអីខាងមុខមានអេក្រង់អេត្រូនិក និងមានកន្លែងដែលអាចឱ្យអ្នកដំណើរនៅខាងក្រោយដាក់ឯកសារ Tablet ឬ Laptop ផ្សេងៗបាន។

ចំពោះស្លាក Logo Rolls Royce ដែលនៅជាប់យ៉ាន់រថយន្ត នៅតែបញ្ឈរដដែល ទោះបីរថយន្តកំពុងបើកក៏ដោយ។

ទ្វារគូទរថយន្តអាចបិទបើកបាន ដោយគ្រាន់តែចុចប៊ូតុង។

ដំបូលផ្នែកខាងមុខ អាចបើកបាន ប្រសិនបើអ្នកដំណើរនៅខាងក្នុងចង់ទទួលពន្លឺព្រះអាទិត្យ៕

កំពូលស្មាតហ្វូន Samsung Galaxy NOTE 10 | 10+ បានបង្ហាញខ្លួនពិតហើយ!

រស្មីនគររាជ — Thu, 08 Aug 2019 23:58:14 +0000

(ភ្នំពេញ)៖ ក្រោយពីមហាព្រឹត្តិការណ៍ដ៏កក្រើកអស្ចារ្យ និងភ្ញាក់ផ្អើលបំផុតរបស់ក្រុមហ៊ុន សាមសុង ដែលបានដាក់បង្ហាញរូបរាងពិតនៃ ស្តេចកំពូលស្មាតហ្វូន Samsung Galaxy Note 10 | 10+ នៅក្នុងទីក្រុង ញ៉ូវយក ( New York) រដ្ឋប្រ៊ូឃ្លីន (Brooklyn) សហរដ្ឋអាមេរិក កាលពី ថ្ងៃ ពុធ ទី០៧ សីហា ឆ្នាំ ២០១៩ ត្រូវនឹងថ្ងៃ ទី០៨ សីហា ឆ្នាំ ២០១៩ នៅកម្ពុជារួចមក ក្រុមហ៊ុនសាខាថៃសាមសុងអេឡិចត្រូនិកប្រចាំប្រទេសកម្ពុជា ក៏បានអញ្ចើញអ្នកសារព័ត៌មាន និងអ្នកថតរូបអាជីពជាច្រើននាក់មកជួបជុំគ្នាទាំងអស់ ដើម្បីធ្វើការទស្សនានូវការផ្សាយផ្ទាល់នៅ ផ្សារទំនើប អ៊ីអន ភ្នំពេញ ជាន់ផ្ទាល់ដី Lively Plaza ដើម្បីធ្វើជាសក្ខីភាពនៃការបង្ហាញជាសាកលនូវ ស្តេចកំពូលស្មាតហ្វូន ដ៏ជាទីមោទនៈបំផុតរបស់ក្រុមហ៊ុន សាមសុង ដែលពិភពលោកទាំងមូលកំពុងរង់ចាំនេះយ៉ាងអន្ទះសារ។

Galaxy Note 10 | 10+ ពិតជាមានភាពខុសគ្នាច្រើនមិនត្រឹមតែមានរាងស្អាត ឡូយ ទាន់សម័យ និងទាក់ទាញ ការបន្ថែមកាមេរ៉ាច្រើជាងមុន និងច្បាស់ជាងមុន ជាមួយអេក្រង់ធំជាងមុន និងថាមពលថ្មធំកាន់តែខ្លាំងជាងមុនប៉ុណ្ណោះទេថែមទាំងបំពាក់ជាមួយនឹងបច្ចេកវិទ្យា Ultrasonic Fingerprint on screen, កាមេរ៉ាមុខដ៏លេចធ្លោចំកណ្តាលអេក្រង់ (A single central punch-hole camera) យ៉ាងល្អបំផុត និងលក្ខណៈពិសេសអស្ចារ្យជាច្រើនទៀត សម្រាប់បទពិសោធន៍ថ្មី ដែលមិនធ្លាប់មានក្នុងកំណត់ត្រាប្រចាំឆ្នាំ២០១៩ នេះផងដែរ ។

គួររំឭកផងដែរថា លោក រតនា សោភ័ណ ប្រធានគ្រប់គ្រងផ្នែកផលិតផលទូរស័ព្ទដៃនៃ ក្រុមហ៊ុនសាខាថៃ សាមសុង អេឡិចត្រូនិក ប្រចាំកម្ពុជា បានថ្លែងថា «ក្នុងឆ្នាំ ២០១៩ នេះយើងពិតជាមានមោទនភាពក្រៃលែង ក្នុងការដាក់បង្ហាញនូវស្តេចកំពូលស្មាតហ្វូន Galaxy Note 10 | 10+ នាពេលនេះនៅកម្ពុជា ដែលកំពុងតែមានការជឿនលឿនផ្នែកបច្ចេកវិទ្យា និងស្មាតហ្វូននាពេលបច្ចុប្បន្ន។ យើងសង្ឃឹមជឿជាក់យ៉ាងមុតមាំថា Samsung Galaxy Note 10 | 10+ ប្រចាំឆ្នាំ ២០១៩នេះ នឹងទទួលបានការគាំទ្រយ៉ាងច្រើនបំផុត ពីសំណាក់អតិថិជនទាំងអស់ ដែលកំពុងស្វែងរកនូវស្តេចកំពូលស្មាតហ្វូន ដ៏ល្អឥតខ្ចោះ និងទន្ទឹងរង់ចាំយ៉ាងអន្ទះសារ» ។

អ្វីដែលកាន់តែពិសេស និងអស្ចារ្យបំផុតនោះ ស្តេចកំពូលស្មាតហ្វូន Galaxy Note 10 | 10+ នឹងបើកឱ្យកម្ម៉ង់ទិញទុកមុន (Pre-order) សម្រាប់ប្រទេសកម្ពុជា ចាប់ពីថ្ងៃទី០៨ សីហា ដល់ ថ្ងៃទី១៨ សីហា ឆ្នាំ២០១៩ ជាមួយនឹការថែមជូន ២ ជម្រើសយ៉ាងអស្ចារ្យបំផុតដែលពុំធ្លាប់មាន៖

Galaxy Note10: (មានតែពណ៌ប្រាក់ប៉ុណ្ណោះ) តម្លៃ $899; ថែមជូន Galaxy Buds តម្លៃ $129; ព្រមទាំង SIM សែលកាត លេខពិសេសតម្លៃរហូតដល់ $132 និងអ៊ីនធឺណេត180GB ដោយឥតគិតថ្លៃ!

Galaxy Note10+: មាន ៣ ពណ៌ (ពណ៌ប្រាក់ ពណ៌ខ្មៅ ពណ៌ស) តម្លៃ$1,059 ; ថែមជូនការ Upgrade ទៅ 512GB; ព្រមទាំង SIM សែលកាត លេខពិសេសតម្លៃរហូតដល់ $330 និងអ៊ីនធឺណេត180GB ដោយឥតគិតថ្លៃ!

ដូច្នេះ កុំនៅបង្អង់យូរ សូមអញ្ជើញទៅហាង ដែលមានស្លាកសញ្ញា (Pre-order) ឬហាងដែលនៅជិតលោកអ្នកបំផុតដើម្បីទទួលយកបទពិសោធន៍ដ៏អស្ចារ្យ នៃស្តេចកំពូលស្មាតហ្វូន Galaxy Note 10 | 10+ ដំបូងបំផុតឱ្យបានមុនគេ៕

ឥណ្ឌាបញ្ចេញរូបភាពផែនដីថតបានដោយ យាន Chandrayaan-2 ដែលកំពុងឆ្ពោះទៅឋានព្រះច័ន្ទ

រស្មីនគររាជ — Mon, 05 Aug 2019 22:54:39 +0000

(ញូដេលី)៖ ទីភ្នាក់ងារអវកាសឥណ្ឌា ISRO បានបញ្ចេញរូបភាពផែនដី ដែលថតបានពីទីអវកាសដោយយាន Chandrayaan-2 ខណៈយានអវកាសនេះ កំពុងធ្វើដំណើរឆ្ពោះទៅកាន់ឋានព្រះច័ន្ទ។ នេះបើតាមការដកស្រង់ការផ្សាយចេញពីទីភ្នាក់ងារព័ត៌មានរុស្ស៊ី RT នៅយប់ថ្ងៃចន្ទ ទី០៥ ខែសីហា ឆ្នាំ២០១៩។

រូបភាពប៉ុន្មានសន្លឹកនោះ ត្រូវបានផ្តិតយកដោយកាមេរ៉ា LI4 ដែលបំពាក់លើយាន Chandrayaan-2 នៅចម្ងាយ៥,០០០គីឡូម៉ែត្រ ពីភពរបស់យើង ខណៈវាកំពុងឆ្ពោះទៅព្រះច័ន្ទ តាមរយៈការធ្វើដំណើរជុំវិញភពយើង ក្នុងគន្លងផ្លូវលក្ខណៈឃ្លាតឆ្ងាយបន្តិចម្តងៗ ហើយគេរំពឹងថា វានឹងផ្លាស់ចូលទៅដល់គន្លងរបស់ព្រះច័ន្ទនៅប៉ុន្មានសប្តាហ៍ខាងមុខនេះ។

បន្ទាប់មក យានប្រភេទ Lander ឈ្មោះ Vikram នឹងផ្តាច់ខ្លួនចេញពីយានប្រភេទ Orbiter ដែលទាំងពីរគ្រឿងត្រូវបានហៅរួមគ្នាថា យានបេសកកម្ម Chandrayaan-2 ដើម្បីព្យាយាមចុះទៅជាន់លើផ្ទៃព្រះច័ន្ទ នៅថ្ងៃទី០៧ ខែកញ្ញា។ បើសិនទទួលបានជោគជ័យ ឥណ្ឌានឹងក្លាយជាប្រទេសទី៤ហើយ បន្ទាប់ពីសហភាពសូវៀត (រុស្ស៊ី) អាមេរិក និងចិន ដែលមានយានចុះទៅជាន់លើផ្ទៃព្រះច័ន្ទ ដោយសុវត្ថិភាព។

ក្រោយចុះដល់ យានមួយគ្រឿងផ្សេងទៀតប្រភេទជា Rover ឈ្មោះថា Pragyan ដែលយាន Vikram បាននាំយកទៅជាមួយគ្នា នឹងត្រូវចល័តនៅលើផ្ទៃព្រះច័ន្ទ ខណៈយាន Vikram ផ្ទាល់ គឺយានសម្រាប់ចុះចត ពុំអាចផ្លាស់ទីបានឡើយ។ អាយុកាលសម្រាប់ ការធ្វើប្រតិបត្តិការនៃយាន Pragyan គឺត្រឹម១៤ថ្ងៃប៉ុណ្ណោះ ដោយវាត្រូវគេរំពឹងថា នឹងអាចធ្វើដំណើរបានយ៉ាងតិចកន្លះគីឡូម៉ែត្រ ពីយាន Vikram ហើយផ្តិតយករូបភាពមួយចំនួន ព្រមទាំងប្រមូលទិន្នន័យនៅលើផ្ទៃព្រះច័ន្ទ ដើម្បីបាញ់បញ្ជូនមកផែនដីវិញ។

Chandrayaan-2 គឺជាបេសកកម្មឆ្ពោះទៅកាន់ឋានព្រះច័ន្ទជាលើកទីពីររបស់ប្រទេសឥណ្ឌា។ ចំណុចខុសគ្នារវាង បេសកកម្មទាំងពីរ គឺត្រង់ថា បេសកកម្ម Chandrayaan-1 ពុំមានយាន Lander សម្រាប់ចុះចតឡើយ គឺមានតែយាន Orbiter សម្រាប់សិក្សាព្រះច័ន្ទពីចម្ងាយ។ បេសកកម្ម Chandrayaan-1 បានចាប់ផ្តើមកាលពីខែតុលា ឆ្នាំ២០០៨ ខណៈនៅខែវិច្ឆិកា ឆ្នាំដដែល វាបានបាញ់វត្ថុមួយទៅបំបុកផ្ទៃនៃតំបន់ប៉ូលខាងត្បូងរបស់ព្រះច័ន្ទ ហើយបេសកកម្មនេះបានបញ្ចប់ទៅកាលពីខែសីហា ឆ្នាំ២០០៩៕

សូមប្រយ័ត្ន..! ពាក្យ ៥ ឃ្លាដែលគេនិយមប្រើ លើបណ្តាញអ៊ីនធឺ ណេត បោកមនុស្សបានសម្រេចអស់ច្រើនរួចមកហើយ

រស្មីនគររាជ — Mon, 29 Jul 2019 04:45:41 +0000

ពាក្យ ៥ឃ្លាដែលគេនិយមប្រើលើអ៊ីនធឺណេត បោកមនុស្សអស់ច្រើនរួចមកហើយ។ ការបោកប្រាស់មាននៅគ្រប់ទីកន្លែង ហើយបើនៅលើអ៊ីនធឺណេតទៀតកាន់តែច្រើន ដោយកន្លងមកមានជនរងគ្រោះរាប់ភ្លេចត្រូវបានគេលួចលុយកុងធនាគារ ឬលួចពត៌មានទិន្នន័យសម្ងាត់ផ្សេងៗជាដើម។ បើតាមទិន្នន័យពីខាងរដ្ឋាភិបាលសហរដ្ឋអាមេរិកបានឱ្យដឹងថា យុវជនដែលមានអាយុ ២០ ទៅ ២៩ឆ្នាំប្រមាណជាង ៤០%រងគ្រោះដោយសារការបោកលុយលើអនឡាញ។

ហេតុនេះមានតែភាពឈ្លាសវៃ និងការពិចារណាឱ្យល្អិតល្អន់នោះទេ ទើបមិនឱ្យគេបោកបាន។ ខាងក្រោមនេះជាឃ្លាបោក ៥ឃ្លាដែលជនខិលខូចពេញនិយមប្រើបំផុត ហើយភាគច្រើនស្ថិតក្រោមរូបភាពការឱ្យចុចលើតំណរលីង ឬផ្ដល់ទិន្នន័យជាលេខសម្ងាត់តែម្ដង។

១. ត្រូវការអ្នកស្នងមរតក
ជាក្បួនចាស់គំរិលមួយ ប៉ុន្តែនៅមានអ្នកចាញ់បោកដោយជនខិលខូចបានធ្វើជាសារតាមរយៈអ៊ីម៉ែលឬ Messenger ហើយលើកឡើងថាមានសេដ្ឋី ឬស្ដេចនៃប្រទេសណាមួយស្លាប់ឬចូលទីវង្គត ហើយត្រូវផ្ទេរមរតកបន្ទាន់ជាចំនួនទឹកប្រាក់ខ្ទង់លានៗដុល្លារតែតម្រូវឱ្យលោកអ្នកផ្ទេរប្រាក់ចំនួនប៉ុននេះ ប៉ុននោះសិនទើបអាចទទួលបានមរតកទាំងអស់នោះ។

២. គណនីរបស់អ្នកត្រូវបានគេហេក គួរផ្លាស់ប្ដូរលេខសម្ងាត់ជាបន្ទាន់
មិនមែនឱ្យតែមានពាក្យនេះសុទ្ធតែជាអ៊ីម៉ែលបោកទាំងអស់នោះទេ ប៉ុន្តែគួរពិនិត្យមើលអ្នកផ្ញើរមកឱ្យបានច្បាស់ថាជាគណនីរបស់ក្រុមហ៊ុនមែនដែរឬទេ បន្តមកទៀតត្រូវពិនិត្យមើលតំណរលីងដែលគេដាក់មកតើពិតជាលីងរបស់ក្រុមហ៊ុនមែនឬទេ។ ឧទាហរណ៍បើជាលីងរបស់ក្រុមហ៊ុនធំៗពិតមែនប្រាកដជាមានរូបរាងដូចជា www.facebook.com/… ឬ www.google.com/… ជាដើម។

៣. ត្រូវការខ្ចីលុយ ឬសុំលុយបន្ទាន់
នៅខ្មែរយើងកន្លងមកមានអ្នករងគ្រោះដោយសារករណីនេះជាច្រើនអ្នកមកហើយ ដោយមានសាច់ញាតិឬមនុស្សជិតស្និតឆាតមកសុំខ្ចីលុយដោយយោងមូលហេតុត្រូវការបន្ទាន់ តែដល់ផ្ញើរទៅហើយទើបដឹងថាគណនីត្រូវបានគេលួចយក។ ដើម្បីបង្ការកុំឱ្យមានការភ័ន្ធច្រឡំ ឬចាញ់បោកគេ គួរណាស់តែធ្វើការហៅទូរស័ព្ទទៅដោយផ្ទាល់តែម្ដង។

៤. ចង់ដាក់ផ្ទាំងពាណិជ្ជកម្ម ឬផុស
សម្រាប់ម្ចាស់អាជីវកម្មដែលកំពុងតែកាន់ផេកហ្វេសប៊ុកប្រហែលជាឧស្សាហ៍ឃើញហើយ ដោយមានគណនីក្លែងក្លាយមួយចំនួនឆាតមក ដោយពួកគេចង់សហការផ្សាយពាណិជ្ជកម្មនៅលើផេកជាថ្នូរនឹងទឹកប្រាក់ច្រើន ក្នុងផ្ទាំងពាណិជ្ជកម្មមួយ ឬស៊ែរលីងដែលពួកគេភ្ជាប់មក។ ប៉ុន្តែក្រោយយើងចុចលីងដែលគេដាក់ទៅ ជនខិលខូចនោះអាចជ្រៀតជ្រែកចូលគណនីរបស់យើងបាន។ មួយក្បាច់ទៀតគឺពួកគេសុំឱ្យយើងដាក់គណនីគេធ្វើជា អេដមីនតែម្ដង។

៥. “អបអរសាទរ! លោកអ្នកឈ្នះរង្វាន់ហើយ សូមចុចចូលតាមតំណរនេះ…”
ជារឿងធម្មតាទេ ដែលនៅលើផេកមួយចំនួនគេចាប់រង្វាន់ ដើម្បីឱ្យអតិថិជនឬអ្នកគាំទ្រគេ ប៉ុន្តែមានផេកមួយចំនួនមានប្រភពមិនច្បាស់លាស់ធ្វើការផ្ដល់ជារង្វាន់នេះ រង្វាន់នោះ ហើយឱ្យចុចចូលទៅកាន់លីងដែលគេរៀបចំទុក។

នេះគ្រាន់តែជាពាក្យបោកប្រាស់មួយចំនួនដែលយើងឧស្សាហ៍ជួបតែប៉ុណ្ណោះ ដោយមានច្រើនរាប់មិនអស់ទៀតគ្រាន់តែក្នុងរូបភាពផ្សេងៗ ហេតុនេះគួរតែប្រយ័ត្នប្រយែងឱ្យមែនទែននៅលើអ៊ីនធឺណេត ដោយកុំចូលឱ្យសោះវេប សាយណាដែលមិនស្គាល់ ដើម្បីសុវត្ថិភាពរៀងៗខ្លួន។

បទល្មើសដាក់សម្រាស់ក្នុង ឃុំសំរោងសែន គេមិនសង្ឃឹម ថាអាចទប់ស្កាត់ឬបង្ក្រាបអោយថមថយឡើយ !!! តើពិតដែរឬទេអាជ្ញាធរមូលដ្ឋាន និង សហគមន៍ ជាអ្នករួមគិត រួមធ្វើ

រស្មីនគររាជ — Sat, 30 Mar 2019 11:31:15 +0000

កំពង់ឆ្នាំង៖ បើទោះជាជំនាញរដ្ឋបាលជលផលខិតខំប្រឹងប្រែងទប់ស្កាត់និងបង្រ្កាបយ៉ាងណាក៍ដោយគេសង្កេតឃើញថាបទល្មើសនេសាទក្រប់រូបភាពកើតឡើងគួរអោយកត់សម្គាល់ ខណៈមន្ត្រីរដ្ឋបាលជលផលមានកម្លាំងតិច ឯសហគមន៍ដើរតួជាអ្នកបង្កើតអោយមានបទល្មើសទៅវិញ ។

នរណាដឹង !! តើ Galaxy Tab S4 អស្ចារ្យកម្រិតណា?

រស្មីនគររាជ — Sat, 01 Sep 2018 09:41:03 +0000

SAMSUNG: Galaxy Tab S4 ជា ឧបករណ៍ដ៏ឆ្លាតវៃ ជាដៃគូដែលមានភាពរស់រវើក ផលិតភាព សមត្ថភាពនិងជំនាញខ្ពស់ នាំមកនូវការបំពេញការងារចម្រុះ និងការកម្សាន្តគ្មានដែនកំណត់។

Samsung Dex ផលិតភាព ពេញដោយភាពងាយស្រួល ជាមួយ Samsung Dex មានជាលើកដំបូងនៅលើ Tab S4។

Tab S4 ក្លាយជាកុំព្យូទ័រ អាចបំពេញបានគ្រប់ទីកន្លែង និងគ្រប់ពេលវេលាប្រកបដោយភាពងាយស្រួលបំផុត។ ជាមួយ Task Bar, Multi-Window, និងមុខងារ drag &drop ដែលដំណើរការដោយរលូន នោះ Tab S4 ដោយគ្រាន់តែបើកមុខងារ Samsung DeX តាម Quick Panel និងបន្ថែម Keyboard និង Mouse របស់ Android វានឹងក្លាយជាកុំព្យូទ័រមួយភ្លាម។

ភ្ជាប់មកជាមួយ S Pen៖ មុខងារចម្រុះរបស់ S Pen បាននាំមកនូវផលិតភាពការងារកាន់តែខ្ពស់។ អ្នកអាចកត់ទុករាល់អ្វីដែលអ្នកបានឃើញ ឬនឹកឃើញ នៅលើអេក្រង់ផ្ទាល់ ពេលថាប់ផ្លែតនេះ ត្រូវបានបិទ។ អ្នកអាចប្រើ Live Message ដើម្បីបង្កើតការកត់ត្រាសារឆ្លើយឆ្លងជាលក្ខណៈជីវចលរស់រវើក ឬអាចបកប្រែពាក្យ ឬឃ្លាណាមួយដោយគ្រាន់តែចុចមុខងារបកប្រែដែលមានស្រាប់នៅលើ S Pen ប៉ុណ្ណោះ។

បន្ថែមអានុភាព សមត្ថភាពខ្ពស់៖ ល្បឿន LTE របស់ Tab S4 កើនឡើងរហូតដល់ 1Gbps អាចឲ្យអ្នកប្រើប្រាស់បានកាន់តែលឿន និងបានកាន់តែច្រើន។ ជាមួយអង្គផ្ទុកទិន្នន័យមានស្រាប់ 64gb និង ម៉េម៉ូរីដែលអាចបន្ថែមតាមរន្ធកាត Micro SD រហូតដល់ 400gb អ្នកនឹងទទួលបានអង្គផ្ទុកយ៉ាងធំទូលាយ និងបរិបូរ សម្រាប់រាល់ឯកសារ និងវីដេអូ។

ការកម្សាន្តដែលធ្វើឲ្យអ្នកស្លុងអាមរ្មណ៍៖ អេក្រង់កម្រិត sAMOLED ទំហំ 10.5 អ៊ីញ ផ្ដល់នូវទស្សនីយភាពរស់រវើក ដែលនឹងធ្វើឲ្យអ្នកស្លុងអារម្មណ៍ទៅក្នុងពិភពកម្សាន្តដែលប្រាថ្នា។ នេះជាការបន្ថែមដែលអ្នកប្រើប្រាស់ពុំធ្លាប់ទទួលបានពីមុនមក។

ថ្មកាន់ ប្រើបានយូរ៖ Galaxy Tab S4 មានថ្មទំហំ 7,300mAh ដែលអាចកាន់ភ្លើងរហូតដល់១៥ម៉ោង សម្រាប់ការចាក់វីដេអូ ដែលអ្នកអាចទស្សនាកម្សាន្តជាមួយកម្មវិធីនានាដែលអ្នកចូលចិត្តបានដោយលែងបារម្ភពីរឿងសាកថ្ម។ ពេលអស់ថ្ម អ្នកក៏អាចសាកបានពេញលឿនផងដែរ។

Bixby បម្រើជូនអ្នក៖ Bixby នឹងក្លាយជាមុខងារដ៏ឆ្លាតវៃ ដែលអាចធ្វើអ្វីៗតាមការបញ្ជារបស់អ្នកបាន។ ជាមួយឧបករណ៍ប្រើប្រាស់ប្រចាំគេហដ្ឋានឆ្លាតវៃដែលមាន SmartThing app អ្នកអាចប្រើឲ្យ Bixby បិទបើកម៉ាស៊ីនត្រជាក់ ម៉ាស៊ីនបោកគក់ និងឧបករណ៍ឆ្លាតវៃជាច្រើនទៀត។

ឧបករណ៍ឆ្លាតវៃដែលផ្ដល់អត្ថប្រយោជន៍គ្មានដែនកំណត់នេះ បង្ហាញវត្តមាននៅលើទីផ្សារកម្ពុជាហើយជាមួយតម្លៃត្រឹម 699$ ជាមួយជម្រើស២ពណ៌ គឺពណ៌ខ្មៅ និងប្រផេះ៕

https://www.samsung.com/global/galaxy/galaxy-tab-s4/

ប្រយ័ត្ន ! ក្រសួងប្រៃសណីយ៍ព្រមានពីការវាយប្រហារបែបថ្មីតាមអ៊ីនធើណេត

រស្មីនគររាជ — Thu, 26 Jul 2018 15:23:46 +0000

រាជធានីភ្នំពេញ ៖ ក្រសួងប្រៃសណីយ៍ និងទូរគមនាគមន៍ បានប្រកាសឲ្យមានការប្រុងប្រយ័ត្នចំពោះការកើនឡើងនូវការវាយប្រហារបែបវិស្វកម្មសង្គម (Social Engineering Attack) និងការបោកបញ្ឆោត (Phishing Attack ) ក្រោយពីការប្រហារបែបនេះកើតមានជាបន្តបន្ទាប់ចំពោះអ្នកប្រើប្រាស់តាមអុីម៉ែល, បណ្តាញសង្គម និងវេបសាយតាមMobile Apps ។

ការិយាល័យឆ្លើយតបបញ្ហាបន្ទាន់នៃកុំព្យូទ័រ (CamCERT) នៃក្រសួងប្រៃសណីយ៍និងទូរគមនាគមន៍ បានចេញសេចក្តីប្រកាសនេះ នៅព្រឹកថ្ងៃទី២៥ កក្កដា ដើម្បីជូនដំណឹងដល់ប្រជាពលរដ្ឋ និងអ្នកបម្រើការងារពាក់ព័ន្ធនឹងបច្ចេកវិទ្យា ឲ្យមានការប្រុងប្រយ័ត្នចំពោះហានិភ័យនេះ ដោយសារកាលពីពេលថ្មីៗនេះ មានការកើនឡើងយ៉ាងច្រើននូវការវាយប្រហារបែបវិស្វកម្មសង្គម និងការបោកបញ្ឆោត ដើម្បីលួចយកគណនី (ឈ្មោះ និងពាក្យសម្ងាត់) ដើម្បីបម្រើគោលបំណងទុច្ចរិតណាមួយ ។

ការិយាល័យឆ្លើយតបបញ្ហាបន្ទាន់នេះ បាន បញ្ជាក់ថា ៖« ការវាយប្រហារទាំងនោះកើត មានឡើងជាច្រើនទម្រង់ដូចជា តាមអុីម៉ែល បណ្តាញសង្គម វេបសាយ និងតាមMobile Apps ឬតាមតំណភ្ជាប់ (links) ជាដើម » ។

តើអ្វីទៅជាការវាយប្រហារបែបវិស្វកម្មសង្គម (Social Engineering Attack) ?
ការវាយប្រហារបែបវិស្វកម្មសង្គម គឺជាការវាយប្រហារតាមអុីនធើរណេតមួយបែប ដែលអ្នកវាយប្រហារប្រើប្រាស់ប្រតិកម្មរបស់មនុស្ស (ជំនាញសង្គម) ដើម្បីទទួលបានព័ត៌មានអំពីអង្គភាពមួយ ។ អ្នកវាយប្រហារដែលអាចអះអាងថា ជាបុគ្គលិកថ្មី ឬជាអ្នកផ្គត់ផ្គង់សេវា ឬជាអ្នកដទៃផ្សេងទៀត បានធ្វើការសាកសួរព័ត៌មានជាច្រើនពីអ្នក ។ ក្នុងករណីដែលមិនទាន់មានព័ត៌មានពេញលេញទេ អ្នកវាយប្រហារនោះនឹងធ្វើការស្វែងរកព័ត៌មានបន្ថែមពីប្រភពផ្សេងទៀត ។

តើអ្វីទៅជាការវាយប្រហារបោកបញ្ឆោត (Phishing Attack) ?
Phishing Attack គឺជាទម្រង់មួយនៃការវាយប្រហារបែបវិស្វកម្មសង្គម ។ ការវាយប្រហារ Phishing គឺប្រើប្រាស់នូវអុីម៉ែល ឬក៏វេបសាយផ្ទុកមេរោគ ដើម្បីលួចយកព័ត៌មានផ្ទាល់ខ្លួន ដោយតាំងខ្លួនធ្វើជាអង្គភាពស្របច្បាប់ត្រឹមត្រូវ (តែជាការបោកបញ្ឆោតប៉ុណ្ណោះ) ។ ជាឧទាហរណ៍ អ្នកវាយប្រហារអាចផ្ញើអុីម៉ែលមួយ ដោយតាំងខ្លួនមកពីក្រុមហ៊ុន Credit Card ឬអង្គភាពហិរញ្ញវត្ថុណាមួយ ដែលធ្វើការស្នើសុំនូវព័ត៌មានគណនី (លេខគណនី, ឈ្មោះ, ពាក្យសម្ងាត់) ដោយហេតុផលមានបញ្ហាអ្វីមួយ។ នៅពេលដែលអ្នកប្រើប្រាស់ឆ្លើយតបទៅនឹងសំណើ អ្នកវាយប្រហារនឹងចូលទៅកាន់កាប់គណនីនោះតែម្តង (ដោយដូរពាក្យសម្ងាត់របស់អ្នកចេញ)។

តើត្រូវធ្វើដូចម្តេចដើម្បីជៀសវាងពីបញ្ហានេះ (មិនក្លាយខ្លួនទៅជាជនរងគ្រោះ) ?
ក្រសួងប្រៃសណីយ៍ និងទូរគមនាគមន៍បានផ្តល់ជាយោបល់ថា សូមមានការប្រុងប្រយ័ត្នចំពោះការទទួលទូរស័ព្ទពីអ្នកមិនស្គាល់ ហើយតាំងខ្លួនថា ជាអ្នកនេះឬអ្នកនោះ, ការចូលមើលវេបសាយមិនមានប្រភពច្បាស់លាស់ ឬទទួលបានអុីម៉ែលសាកសួរអំពីព័ត៌មានផ្ទៃក្នុងអង្គភាព ។ បើមិនមែនជាបុគ្គលដែលអ្នកស្គាល់ ហើយតាំងខ្លួនមកពីអង្គភាពណាមួយ អ្នកត្រូវតែព្យាយាមធ្វើការផ្ទៀងផ្ទាត់អត្តសញ្ញាណរបស់បុគ្គលនោះ ពីអង្គភាពនោះដោយផ្ទាល់ ។
-មិនត្រូវផ្តល់នូវព័ត៌មានផ្ទាល់ខ្លួន ឬព័ត៌មានអំពីអង្គភាពរបស់អ្នក ដោយមានទាំងហេដ្ឋារចនាសម្ព័ន្ធបណ្តាញ (network infrastructure) លុះត្រាតែអ្នកប្រាកដឲ្យបានច្បាស់អំពីបុគ្គលម្នាក់នោះ ។
-មិនត្រូវបញ្ចេញនូវព័ត៌មានផ្ទាល់ខ្លួន ឬព័ត៌មានហិរញ្ញវត្ថុនៅក្នុងអុីម៉ែល និងមិនត្រូវឆ្លើយតបទៅនឹងអុីម៉ែលមិនមានប្រភពច្បាស់លាស់ រួមមានទាំងតំណភ្ជាប់ (links) នៅក្នុងអុីម៉ែលផងដែរ ដោយមិនត្រូវផ្ញើនូវព័ត៌មានសម្ងាត់ (sensitive) តាមអុីម៉ែល ឬអុីនធើរណេត ដោយមិនបានធ្វើកូដនីយកម្ម (encrypt) នោះឡើយ ។
-សូមមានការចាប់អារម្មណ៍អំពីអាសយដ្ឋានរបស់វេបសាយ (URL) ។ អាសយដ្ឋានវេបសាយក្លែងក្លាយអាចស្រដៀងគ្នាទៅនឹងវេបសាយពិតប្រាកដ ។
-ធ្វើការអាប់ដេតប្រព័ន្ធប្រតិបតិ្តការ (Operating System) និងកម្មវិធីទាំងអស់ដែលមានក្នុងម៉ាស៊ីនកុំព្យូទ័ររបស់អ្នក ព្រមទាំងដំឡើង និងអាប់ដេតកម្មវិធីកម្ចាត់មេរោគឲ្យបានទៀងទាត់ ។ បើកមុខងារ anti-phishing ដែលមាននៅក្នុង web browsers និងកម្មវិធីអុីម៉ែល (email client) ។

តើត្រូវធ្វើដូចម្តេច បើសិនជាអ្នកគិតថាខ្លួនជាជនរងគ្រោះ ?
បើសិនជាអ្នកជឿជាក់ថា អ្នកបានបញ្ចេញព័ត៌មានអំពីអង្គភាពអ្នក សូមធ្វើការរាយការណ៍ទៅកាន់បុគ្គលទទួលខុសត្រូវនៅក្នុងអង្គភាព ដោយអាចមានអភិបាលគ្រប់គ្រងប្រព័ន្ធព័ត៌មាន ជាដើម ។ បើសិនជាអ្នកជឿជាក់ថា ព័ត៌មានហិរញ្ញវត្ថុរបស់អ្នកត្រូវបានលួច សូមទាក់ទងទៅកាន់គ្រឹះស្ថានហិរញ្ញវត្ថុរបស់អ្នកជាបន្ទាន់ ហើយបិទគណនីដែលរងគ្រោះ ។ ធ្វើការផ្លាស់ប្តូរពាក្យសម្ងាត់ជាបន្ទាន់ បើសិន ជាអ្នកបានបញ្ចេញដោយប្រការណាមួយនោះ។ បើសិនជាអ្នកប្រើប្រាស់ពាក្យសម្ងាត់ដូចៗគ្នាជាច្រើនវេបសាយនោះ សូមធ្វើការផ្លាស់ប្តូរវាម្តងមួយៗ ហើយមិនត្រូវប្រើប្រាស់ពាក្យសម្ងាត់នោះនៅថ្ងៃក្រោយទៀតឡើយ ។
សូមប្រុងប្រយ័ត្នចំពោះសញ្ញានៃការលួចអត្តសញ្ញាណ ។ សូមចូលទៅកាន់ព័ត៌មានបន្ថែម https://www.camcert.gov.kh/identity-theft/ ។
អ្នកអាចរាយការណ៍អំពីបញ្ហានេះមកកាន់ការិយាល័យ CamCERT តាមរយៈអុីម៉ែល incident@camcert.gov.kh ឬចូលទៅកាន់វេបសាយ https://www.camcert.gov.kh ឬអ្នកក៏អាចធ្វើការប្តឹងទៅស្ថាប័ននគរបាលជាតិ (នាយកដ្ឋានប្រឆាំងបទល្មើសបច្ចេកវិទ្យានៃអគ្គស្នងការនគរបាលជាតិ) ។ ជាចុងក្រោយ សន្តិសុខ និងសុវត្ថិភាព នៃការប្រើប្រាស់បច្ចេកវិទ្យា គឺស្ថិតនៅក្នុងដៃរបស់លោកអ្នក ៕

ក្រសួងប្រៃសណីយ៍និងទូរគមនាគមន៍ស្នើឱ្យគ្រប់ប្រតិបត្តិករទូរស័ព្ទចល័តទាំងអស់យកចិត្តទុកដាក់ក្នុងការពង្រឹងគុណភាពសេវារបស់ខ្លួន ភ្នំពេញ៖ ដើម្បីជួយសម្រួលដល់ការប្រើប្រាស់ប្រព័ន្ធទូរគមនាគមន៍

រស្មីនគររាជ — Sun, 08 Jul 2018 07:31:35 +0000

ភ្នំពេញ៖ ដើម្បីជួយសម្រួលដល់ការប្រើប្រាស់ប្រព័ន្ធទូរគមនាគមន៍សម្រាប់ការឃោសនាបោះឆ្នោតនិងការបោះឆ្នោតជ្រើសរើសតំណាងរាស្ត្រនីតិកាលទី៦ដែលនឹងប្រព្រឹត្តទៅនៅថ្ងៃទី២៩ ខែកក្កដា ឆ្នាំ២០១៨ខាងមុខ ក្រសួងប្រៃសណីយ័ និងទូរគមនាគមន៍ស្នើឱ្យគ្រប់ប្រតិបត្តិករទូរស័ព្ទចល័តទាំងអស់យកចិត្តទុកដាក់ក្នុងការពង្រឹងគុណភាពសេវារបស់ខ្លួន។សេវាទូរគមនាគមន៍ដើរតួនាទីសំខាន់សម្រាប់ប្រជាពលរដ្ឋគ្រប់រូបស្វែងយល់អំពីព័ត៌មាន តាមដានការផ្សព្វផ្សាយគោលនយោបាយរបស់គណបក្សនីមួយៗ និងការតាមដានរាល់ព្រឹត្តិការណ៍សំខាន់់ៗនានា ដោយហេតុនេះហើយក្រសួងប្រៃសណីយ៍ និងទូរគមនាគមន៍សង្ឃឹមយ៉ាងមុតមាំថាបណ្ដាប្រតិបត្តិករទាំងអស់នឹងយកចិត្តទុកអនុវត្តប្រកបដោយប្រសិទ្ធិភាព៕

ក្រុមហ៊ុន Apple អះអាងថានឹងទទួលបានអេក្រង់ OLED ពីក្រុមហ៊ុន LG ដើម្បីកាត់បន្ថយការពឹងផ្អែកលើក្រុមហ៊ុន Samsung លើផ្នែកនេះ

រស្មីនគររាជ — Sun, 01 Jul 2018 08:19:17 +0000

ក្រុមហ៊ុន Apple អះអាងថានឹងទទួលបានអេក្រង់ OLED ពីក្រុមហ៊ុន LG ដើម្បីកាត់បន្ថយការពឹងផ្អែកលើក្រុមហ៊ុន Samsung លើផ្នែកនេះយោងតាមប្រភពព័ត៌មានអនាមិកដែលទីភ្នាក់ងារព័ត៌មាន Bloombergទទួលបាន ថាក្រុមហ៊ុនApple អាចនឹងប្រើ ក្រុមហ៊ុនLG ជាអ្នកផ្គត់ផ្គង់ជំនួសសម្រាប់បន្ទះអេឡិចត្រូនិករបស់ខ្លួនដែលប្រើប្រាស់នៅក្នុងទូរស័ព្ទ iPhone X របស់ខ្លួន។

ការមាន LG ជាអ្នកផ្គត់ផ្គង់ទីពីរនឹងជួយឱ្យបច្ចេកវិទ្យាយក្សដ៏ធំសម្បូរបែប OLED បង្ហាញបានលឿននិងកាត់បន្ថយការចំណាយ។ កាលពីមុនក្រុមហ៊ុន Apple ពឹងផ្អែកតែទៅលើក្រុមហ៊ុន Samsung ដើម្បីផ្គត់ផ្គង់អេក្រង់ OLED របស់ខ្លួនមានន័យថាក្រុមហ៊ុនកូរ៉េខាងត្បូងអាចគិតប្រាក់ចំណេញខ្ពស់ជាងមុនដោយសារតែវាមានផ្តាច់មុខ។

Bloomberg បានរាយការណ៍ថាក្រុមហ៊ុន LG នឹងផ្គត់ផ្គង់អេក្រង់ពី 2 លានទៅ 4 លានអេក្រង់ OLED នៅក្នុងកិច្ចព្រមព្រៀងដំបូងខណៈដែលខ្លួនព្យាយាមបង្កើនសមត្ថភាពរបស់ខ្លួន។ សម្រាប់ការប្រៀបធៀបកិច្ចព្រមព្រៀងដំបូងរបស់ក្រុមហ៊ុន Samsung ជាមួយក្រុមហ៊ុន Apple គឺដើម្បីផលិតអេក្រង់ OLED ប្រហែលជា 100 លានដែលត្រូវបានប្រើនៅក្នុងផលិតផល iPhone X ។

ឈ្មោះរបស់ក្រុមហ៊ុន LG បានលេចឡើងនៅក្នុងរបាយការណ៍មុន ៗ អំពីដំណើរស្វែងរករបស់ក្រុមហ៊ុន Apple សម្រាប់អ្នកផ្គត់ផ្គង់ទីពីរខណៈពេលដែលក្រុមហ៊ុនដែលមានមូលដ្ឋាននៅកូរ៉េខាងត្បូងបានត្រលប់មកផលិតអេក្រង់ OLED ជាមួយ V30 ។ ប៉ុន្តែគុណភាពនៃអេក្រង់ V30 គឺមិនល្អដូចអេក្រង់ OLED របស់ក្រុមហ៊ុន Samsung នៅក្នុងស្មាតហ្វូន Galaxy របស់ខ្លួនទេហើយសមត្ថភាពផលិតតូចជាងរបស់ក្រុមហ៊ុន LG ត្រូវបានគេស្គាល់ច្បាស់។

ទន្ទឹមនឹងនេះដែរក្រុមហ៊ុន Samsung មិនបានរីករាយនឹងតំណែងរបស់ខ្លួនជាអ្នកផ្គត់ផ្គង់អេឡិចត្រូនិកតែមួយគត់សម្រាប់ក្រុមហ៊ុន Apple ឡើយ។ នៅក្នុងខែកុម្ភៈក្រុមហ៊ុន Samsung ត្រូវបានគេរាយការណ៍ថាបានកាត់បន្ថយផលិតកម្ម OLED បន្ទាប់ពីការលក់ទូរស័ព្ទ iPhone តិចជាងការរំពឹងទុកហើយវាក៏កំពុងស្វែងរកទីផ្សារសម្រាប់អតិថិជនបន្ថែមលើសពី Apple ផងដែរ។ ប្រសិនបើប្រភពត្រឹមត្រូវហើយក្រុមហ៊ុន Apple ភ្ជាប់ជាមួយក្រុមហ៊ុន LG កិច្ចព្រមព្រៀងនេះអាចជួយក្រុមហ៊ុនទាំងបីកាត់បន្ថយការពឹងផ្អែករបស់ពួកគេលើការតភ្ជាប់ពីរបី។