ខេត្តកំពង់ឆ្នាំង៖ ក្រុមបាល់ទាត់យុវជន នៃវិទ្យាល័យព្រះបាទសុរាម្រឹតបានធ្វើជាតំណាងអោយក្រុងកំពង់ឆ្នាំងទៀតហើយនៅក្នុងឆ្នាំ ២០១៩ នេះ ដើម្បីចូលរួមប្រកួតជ្រើសរើសជើងឯកថ្នាក់ខេត្ត ជាមួយនិងបណ្តាស្រុកនានា នៅពាក់កណ្តាលខែកុម្ភះខាងមុខនេះ ក្រោយពីប្រកួតឈ្នះក្រុមបាល់ទាត់យុវជនមកពីវិទ្យាល័យក្រុងកំពង់ឆ្នាំង ក្នុងលទ្ធផល ២-០ កាលពីរសៀលថ្ងៃទី៣១ ខែមករា ឆ្នាំ២០១៩ ។

សូមបញ្ជាក់ថានៅតង់ទីមួយកីឡាកសាន បណ្ឌិត ពាក់ស្លាកលេខ៧ បានទាត់ បញ្ចូលទីខាងក្រុងកំពង់ឆ្នាំងនៅនាទី៣១ធ្វើអោយវិទ្យាល័យ ព្រះបាទសុរាម្រឹតនាំមុខមុន១-០។ នៅតង់ទីពីរ ក្រុមទាំងពីរបានវាយសម្រុកទៅវិញទៅមកយ៉ាងស្វិតស្វាញ ប៉ុន្តែមិនមានក្រុមណាទាត់បញ្ចូលទីទៅខាងក្រុមណាឡើយ។ នៅក្នុងម៉ោងបន្ថែម៣នាទីកីឡាកពាក់ស្លាកលេខ៧ រកបាន១គ្រាប់ទៀត ធ្វើអោយវិទ្យាល័យវិទ្យាល័យព្រះបាទសុរាម្រឹតយកឈ្នះវិទ្យាល័យក្រុងកំពង់ឆ្នាំងក្នុលទ្ធផល២-០។

សូមរម្លឹកផងដែរថា ក្រុមបាល់ទាត់យុវជន នៃវិទ្យាល័យព្រះបាទសុរាម្រឹត បានយកឈ្នះក្រុមវិទ្យាល័យក្រុងកំពង់ឆ្នាំង ២ឆ្នាំជាប់ៗគ្នា ​ក្រោយពីប្រកួតចាញ់ក្រុងកំពង់ឆ្នាំងរយះពេល៤ឆ្នាំជាប់ៗគ្នាដែរ ។ កាលពីឆ្នាំ២០១៨ វិទ្យាល័យព្រះបាទសុរាម្រឹតប្រកួតឈ្នះក្រុងកំពង់ឆ្នាំង ក្នុងលទ្ធផល៣-១ ដោយឡែកឆ្នាំ២០១៩នេះវិទ្យាល័យព្រះបាទសុរាម្រឹត ប្រកួតឈ្នះវិទ្យាល័យក្រុងកំពង់ឆ្នាំង ក្នុងលទ្ធផល២-០ ៕