អ្នកមានជំងឺរ៉ាំរ៉ៃ៤ប្រភេទ អាចប្រឈមអាការៈធ្ងន់ធ្ងរ បើឆ្លងមេរោគកូវីដ១៩
ថ្ងៃចេញផ្សាយៈ March 27, 2020
អង្គការសុខភាពពិភពលោក (WHO) បានឲ្យដឹងនៅថ្ងៃនេះថា អ្នកមានជំងឺរ៉ាំរ៉ៃចំនួន៤ប្រភេទ អាចប្រឈមនឹងអាការៈធ្ងន់ធ្ងរ ប្រសិនបើពួកគេបានឆ្លងវីរុសកូវីដ១៩ ដែលកំពុងរាលដាលនៅលើពិភពលោកនោះ។
អ្នកមានជំងឺរ៉ាំរ៉ៃទាំង៤ប្រភេទនោះរួមមាន ៖ជំងឺទាក់ទងនឹងបេះដូង ជំងឺទាក់ទងនឹងផ្លូវដង្ហើម ជំងឺទឹកនោមផ្អែម ជំងឺមហារីក ។
យ៉ាងណាក៏ដោយ ជាការណែនាំរបស់អង្គការសុខភាពពិភពលោក អ្នកដែលមានជំងឺរ៉ាំរ៉ៃទាំង៤ប្រភេទខាងលើនេះ គួរតែលេបថ្នាំ និងធ្វើតាមដំបូន្មានវេជ្ជបណ្ឌិត, ត្រៀមថ្នាំ (សម្រាប់ជំងឺខ្លួនឯង) រយៈពេល១ខែ, រក្សាគម្លាតពីអ្នកឈឺ, លាងដៃឲ្យបានញឹកញាប់, ផ្អាក ឬឈប់ផឹកស្រា និងការពារខុសភាពផ្លូវចិត្ត៕
