អគ្គីភ័យលេបត្របាក់ផ្ទះប្រជាពលរដ្ឋអស់៣ខ្នង នៅភូមិឆ្នុកទ្រូ [មានវីដេអូ]
កំពង់ឆ្នាំង: ផ្ទះប្រជាពលរដ្ឋចំនួន៣ខ្នងត្រូវបានអគ្គីភ័យលេបត្របាក់ បង្កការភ្ញាក់ផ្អេីល ។
ហេុការណ៍ខាងលេីនេះកេីតឡេីងនៅវេលាម៉ោង១០និង២៩នាទី ថ្ងៃទី១៤ ខែវិច្ឆិកា ឆ្នាំ២០២២ នៅភូមិឆ្នុកទ្រូ ឃុំឆ្នុកទ្រូស្រុកបរិបូណ៍ ខេត្តកំពង់ឆ្នាំង ។
លោក ឧត្តមសេនីយ៍ត្រី លុយ ឌីណា ស្នងការរងនៃស្នងការដ្ឋាននគរបាលខេត្តកំពង់ឆ្នាំងបានឲ្យដឹងថា ករណីគ្រោះអគ្គីភ័យខាងលេីនេះ បណ្តាលមកពីឆ្លងចរន្តអគ្គីសនីបង្កជាអណ្តាតភ្លេីងឆាបឆេះឡេីង ។
លោក ឧត្តមសេនីយ៍ត្រី លុយ ឌីណា បានឲ្យដឹងទៀតថា ផ្ទះដែលរងការឆាបឆេះខាងលេីនេះ ជា ផ្ទះរបស់ឈ្មោះ ឡេយ៉ាំងសា ភេទ ប្រុស អាយុ ៦៣ ឆ្នាំ ជនជាតិ វៀតណាម ផ្ទះបណ្ដោយ 12×4,70ម៉ែត្រ ជញ្ជាំង ស័ង្កសី ដំបូល ប្រក់ស័ង្កសី រនាបក្ដារ ឆេះអស់ទាំងស្រុង តម្លៃប្រហែល 10.000$ និងផ្ទះរបស់ឈ្មោះ សុខា ប៊ុណ្ណារិទ្ធិ ភេទ ប្រុស អាយុ៥៤ឆ្នាំ ជនជាតិ ខ្មែរ ផ្ទះចំនួន ២ខ្នង ផ្ទះទី១ ទំហំ 18×11 ម៉ែត្រ រនាបក្ដារ ជញ្ជាំងក្ដារ ដំបូលប្រក់ស័ង្កសី ជាផ្ទះរស់នៅនិងដាក់សម្ភារះលក់ដូរ ផ្ទះទី២ទំហំ 11×9,50ម៉ែត្រ រនាបក្ដារ ជញ្ជាំងក្ដារ ដំបូលប្រក់ស័ង្កសី ជាផ្ទះដាក់ឥវ៉ាន់លក់ ត្រូវឆេះអស់ទាំងស្រុង សរុបការខូចខាតប្រហែល 250.000$ ៕
